06 فبراير 2010

Game OVER ;@

مااحب العب العااب مثل
بلاي ستيشن , بي اس بي , قيم بوي والربع الباجي ...
.
احس اتخليني اعصب اعصب وعادي اكسر اليده اللي ماسكتها
والله اقول ماشاء الله عالنااس اللي يجابلونها مجاابل
بس هم اقول الله يعينهم .. لان حدها اوف مو زينه !
.
قبل لما اسوي جهازي فورمات .. الرجل اللطيف يحطلي file
كلا العاب Games .. عاد على طوووول ديليييييييييت
مااحب هالسوالف .. بعدين قمت اقول حق الريال لا تحطلي العاب
في العااب حدها اتونس وفيها تفكير .. بس لايصير فيها وقت اعصب
.
خو انا حدي ما اعترف بالوقت استغفرالله
ياما امي عطتني درووس ومحاضراات عن الوقت
وياما اكتبتلي اورااق وحطتهم جدامي عالكمبيوتر خخخخ
" الوقت كالسيف ان لم تقطعه قطعك " قبل ما يأثر فيني هالشي
الحين لاء قمت احاتي اشوي
.
المهم المهم في لعبه شدتني
الوقت فيها طويييل الى ماله نهايه خخخخخ فحبيت اللعبه
معنى حدهـــا اعصااااب باعصااب !!
بس انا ما اعصب .. اركــــز عـــدل واذا خسرت
اقول انا ما ركزززت بس مااعصب << اقص على روحي
.
هاذي [ اهيه ]
.
كل مايضيق خلقي واحس بملل ابطلها !!

31 يناير 2010

اهداء حق محد P=

سمعوووها اتعور القلب
اهنــــي
كلمات وصوت روعه ولحن يبجــي ='(
مال تسكرون الليتات ووتطوولون عالسماعات وتغمضون وتبجون p=
الله يبعد الحزن عنكم يارب D:

08 ديسمبر 2009

قرقر واجد



من يوم كنت صغيره تقريبا من دشيت الرابعه ابتدائي .. صار فيني ضعف بالسمع

وطبعا حدي مادري ان فيني اعاقه بالسمع لان ياهل وماعرف ان هالشي غير طبيعي

او طبيعي .. فحتى اهلي مالاحضو هالشي الا بهالموقف

ويزاها الله الف خير خالتي الله يذكرها بالخير اهيه اللي لاحظت فيني وقالت حق امي

كنا قاعدين بالزواره جان تقولي " نتفه ...... وتكمل كلامها " جان اقولها : هاا ؟

جان تقول حق امي ترا بنتج ماتسمع عدل .. قالت لها ليش شدراج !

جان خالتي تقول حق امي شوفي

جان خالتي تقولي : " نتفه ... وتسولف ماادري شنو " جان ارد عليها عادي

جان اتعيد كلامها بس حطت ورقه على حلجها اتغطي شفايفها عشان ما اشووف حلجها

واهيه اتكلم .. جان اقولها : هااا شنو ؟؟

من اهنيييييي اعرفو اني انا ما اسمع عدل الا لما اشووف الشفاايف

اقرا الشفاايف

ودووني مستشفى الصبااح .. سوولي فحص .. طلع كلام خالتي 100 % مضبووط

ان فيني ضعف بالسمع .. يعني مو صمخه لالالا ضعف عادي

مثل ضعف النظر بس ضعف بالسمع

اسمع الحمدلله والشكر لله حالتي

نسبه اعاقتي اقل من 50 % نسبتها 25 %

يعني لي صارت فوق الخمسين اهني تعتبر اعاقه قويه تقريبا

بس الحمدلله الحمدلله على نعمته

..

..

يعني في نااس يصير ضعف بالسمع عندهم وحتن تلاحظون نطقهم للاحرف ثقيل

لسانهم ثقيل .. بس انا الحمدلله الحمدلله انطق عدل ومافي ولا حرف ما اقوله عدل

حتن الدكتوور يوم رحنالهم كان مو مصدق ان ماسمع لان تكلم ويااي قبل لا يفحص

وشاف اني انطق الاحرف عدل وارد عليه عدل

بس امي قالتله ان خالتها لما تغطي حلجها ما اسمعها

جان يحط ورقه ويسوي تجربه خالتي

لووووووووووووووووووووووووووووول

وضبطت وياه عقب فحصني وطلع صح كلام خالتي :*

..

..

وكنت قبل يوم بالابتدائي وعليا علي =(

اداوم واقعد مسبها بالصف مو فاهمه شي لاني ما اسمع

وماادري اني ما اسمع عبالي شي طبيعيييييي

فالابلاات لما يصير معاهم اجتماع مع الامهات .. اغلب الابلات يقولون حق امي

" بنتج كلا سرحانه بالصف ماتشارك ودايخه " =(

وتخيلو عدت سنه رابعه ابتدائي

لما اقول حق النااس اني عدتها ساقطه فيها

يقولون من صجج رااااااابعه ابتداائي احد يسقط فيها !!

يعني بالله انا شسوي :|

شي ربي كاتبه .. يعني مني انا !!

وما انسى هالموقف اللي خلاني مو واثقه من نفسي لما اكون مع مجموعه نااس واحد يكلمني

او كلامه يكون موجه حقي انا

كنت ابمختبر العلوم وقاعده ورا .. والابله اسئلت سؤال جان تقومني

وانا ماسمعت .. قلت لها ماسمعت سؤالج

جان تصرخ علي وتقولي ايييي انتي كلا نااايمه سرحانه

جان اقولها صوتج بعيد ماسمعت

ويع ويع والبنات كلهم لافين علي :| وييييييييييييييييع

جان تصرخ وتقولي انتي ناادي امج عندي بحاجيها وطبعا بصراااااااااخ

وتعيد السؤال حقي .. وهم ما اسمع .. اقولها شنو تعيد كلمه " شنو "واهيه تعيب عليّ !!!

تعيده بصرااخ وهم ما اسمع .. لاني مخترعه شفيها معصبه علي هاذي =(

جان توقفني تقولي عشان تصحصحين ويانا

..
..

عاد كنت بمدرسه الاندلس ابتدائي

بعدين انتقلت مدرسه ثانيه اليرموك ابتدائي والحمدلله نجحت فيها .. بس الحين بروح متوسط

جان اروح الخالديه ومشيييييييييييييت المتوسط كله بدون اي عائق

وكنت حزتها باولى متوسط حاطه سماعاات باذووني

يوضح الصووت اللي جدامي وبس

وكاني متخرجه من الثانويه ولله الحمد

والحين قاعده اعابل حق الكليه
..
..
وايد احصلتلي مواقف على اني اقرا الشفايف لاني تعودت اني اشوف الشفايف

مع التلفزيون !
عــادي قاعده بالصاله ، مجابله التلفزيوون واهوه ميوت ، وحاطه مسلسل خليجي
افهم شنو يقولون كل التمثيليه بدون صوت !

مع الناس !
مره كنت بالاشاره مع بنت خالتي جان تلف عالسياره اللي يمها ..كنت انا اسوق
جان اقولها نعم ؟ شكو تلفين عالاوادم ؟
جان تضحك قالت شسوي لا اراديا بعرف اللي يمي .. جان انا اطالع لوووول
توني ازفها !!
وكان واحد يمنا يمكن عمره بالثلاثينات وجذي وكان يتكلم بالتلفون .. حده لاهي
قومي يا نتفه وخزي شفايفه شوفي شيقوول لوووووول
ويه ويه ويه فضيحه
واقعد اقول حق بنت خالتي لاتلفين عليه بس شوفيني وانا بشوفه
اهوه اذا لف علينا ماراح يحس اني اطالعه لان راس بنت خالتي مغطي
واخرلها كلشي قاله
وكان يقول : " اوكيه هاذا كلامج .. جان يسكت .. بس صار خمس ايام 3 ايام
لالا سمعيني .. انزين انزين .. "

شبت الاشاره ومشيت .. قعدت بنت خالتي تضحك ضحك
قلت لها اييييييي .. صح اني ما اسمع .. بس مسكين هاللي بياخذنيي ويفكر يلعب علي!
لوووووووووول

يعني قعدت اتخيل لو " زوج المستقبل الي مادري منو اهوه " لوول يكون قاعد بالسياره
وانا يايا بركب السياره .. وكان قاعد يقرق .. افهم شنو يقول نياهاهاهاااااي

لاتحاجيني وحده لابسه نقاب حدي اتخصبق وماعرف شتقول اخلي احبالها الصوتيه تتقطع

..

كل ما اتذكر موقف ان شاء الله اكتبه ؛*


10 أكتوبر 2009

آنا حـلوه




●●●


( أنا حلوه وحلـّوي احلى )


سوف تقام مسابقه أجمل طبق حلو
للبنات الكبيرات في زواره
الجمعه القادمه بإذن الله
لجنة التحكيم برئاسه الشيف ( ام مشعل )
●●●




مسج وصلني يوم الاثنين من خالتي
جان اقول الللللللللله ونااسه
●●●

وشديت حيلي وسويت طبقي المولتن كيك اللي كاتبته بالمدونه
طبعا بشكل ثاني .. وابيه يكون غير بالتقديم
للأسف للأسف ماصورته التصوير اللي يبرد جبدي =(
لان حاشتني عوائق مو صج حزه التقديم !!

1 - كل ساع مسكرين السخان على كيكتي ( ومادري منو اللي يسكرها ؛@ )
والخدامات كل سااع يضحكون علي


2 - الايس كريم انا مزينته في قوالب الكب كيك يصير جنه جبل صغير وطبعا خالطه معاه كراميل وبسكوت
حاطينه بفريزر بوطقه ؛@ احترييييييييت وانا عبالي طول الوقت مسمت بالفريزر ( حده سااح )

3 - بعض المولتن خليته بالفرن وايد صار ماكو كاكاو داخله سايح داخله
كاااااااك عوائق مو صج .. بس الطعم لحين راح اتعرفونه =) اذا اوكيه ولا لاء



●●●


هاذا شكل التقديم مالي ؛$




وطبعا عطيناه خالتي عشان توديهم الصاله ومايعرفون منو اللي مسوي الطبق ويصير غش بالتصويت P;

وتم الهجوم

ولاحضو صحوني نقصو وديناهم حق اليدات والحريم الكباار حسافه ماصورتهم :( اصلن طول الوقت متدوودها


سميتو ؟ كليتو ؟ تذوقتو ؟ حليتو ؟ عليكم بالعافيه :**

والحين التصويت

وطبعا خالتي ام مشعل ماقصرت ويانا كلنا بفكرتها واخراجها ووزعت علينا اوراق جداول فيه رقم الطبق والتقييم له والتصويت حق كل الزائرات والزائرين لووول

ويتم التصويت ! العد P;

الله يستر منو بيفوووز :$

؟

؟

؟

التلفون = آله حاسبه خخخخخ اختي تجمع الاصوات



وتهقون منو اللي فاز ؟ ':q

؟

؟

؟

؟

؟

؟

؟



إسم الله علــّي P;

وطبعا صفقولي :$ وصفرولي وصرخولي ونااسه لووول

شعوور حده حلو والمستحى شاقني شق

اشوه عروق يبهتي ما انبطت لوووووووووووول P;

والهديه حدها مفييييييييييييده وحلوه وجميله
وراح اتذكر هالشعور الحلو كل ما اتسبح يعني كل يوم وترك P:
والله يذكر خالتي بالخير اسعدتنا
صج الزوارات بوجووودها اتينننننننننننن .. الله يحفظ
كل خالاتي الغاليات وامي الحبيبه ويدتي تاااج الروووس (A)


باركولي

شي ماشفتوه

طبعا في حلو ملون عالطاوله وحده فنتق ماشاء الله مال بنت خالتي

الكل يشووفه عبالهم انا مسويته .. ليش ؟

لان يدرون اني ام الفناتق لووول

وانا بهالمساابقه كنت حدي ابي افنتق بس قلت مااابي عشان ماايبين ان انا واظلمهم

فسويت شي حده بسيييييييط .. ولي نهايه التصويت اليهال يووني عبالهم انا اللي مسويه

مال بنت خالتي لووول

وحتن اختي اول ماشافته .. جان تقولي لي شافوه خالاتي راح يقولون مال نتفووه P:

...

28 سبتمبر 2009

شخ باااااااااااااري

امبيه
شخباري البلووق !!
ليلحين عايش بلوقي يحليله ماشاء الله قدييييييم !!
انا هالجم يوم متذكرته بس كلا متعيزه مالي خلق اكتب معنى صارتلي اشياء وحوسه
وودي اتكلم عنهم .. يالله مو مشكله ان شاء الله المره الياايه
.
.
الحين لازم اقولكم
كل عام وانتو بخير
وعسى ايامكم ان شاء الله كلها فرح ووناسه
ومبارك عليكم الشهر
وعيدكم امبارك وعساكم من العايدين والفايزين
وHaPpy birthday To me
خخخخ خو من شهر فبراير مو كاتبه
وانا عيد ميلادي شهر 7-7 يعني لازم احتفل غصب غصب
بعد تاريخي ذهبي ذهبي مو اي شي P:
.
.
وعياديكم اخذوها من ابوي .. خو ماعندي معاش ولا اعانه ولاهم يحزنوون
مو ساحبه اوراقي من كليه المجاري آآآآ عفوا التجاري !!
وقدمت اوراقي على الدورات الخاصه والله يعين
.
.
فطول العطله ماعندي شي يدزني غير امي وابوي واخواني ؛*
الله يحفظهم
.
.
.
اي الموووهم حبيت اسلم عليكم واشوف شلونكم شخباركم
لاني صج ولهت عليكم وولهت على تعاليقكم
وولهت اكتب وافضفض اللي بألبي
.
.
وللعلم في بلوقاات بالعطله كنت ادشهااا واقرا سوالفهم ووناستهم
وكلشي بس ما اعلق لان وقتي حده مو مال اكتب تعاليق وجذي
بس اقرا واغير جو على شغلي ومواهبي اللي شاغلتني
.
يلا بيس :*

25 فبراير 2009

أحس اني غريبه !!!

أحس اني بشعور ما أدري شنو !!

.

18 فبراير 2009

يانا الهوا يانا يااااانااا من زنجباااار !!





غبااااار غباااااار مو صج




قاعده ابيت يدتي .. جان فجأه انحكر وييع اشم ريحه غباار




انقمت !!!!!!

وبعدين قمت اجوف جنه ضبااب في البيت وو صورت
جان اطلع برا مع بنات خالاتي صوروووني برااااا

ما أبين كللللللش !!

طبعا الجو غرييييييب غرييب

ماكو هوااا !!

ثاااااااابت الغبااار

ونسمعصوووت عواصف بس يخرررع

وطاااااعو !!



جان الصبح انقووم بنطلع وله السياير اتهبل متروسه اغبار


وفنتقي يا نتفه (A)







22 يناير 2009

!




.



.



3 بنات






( موضي - حصه - ريم )



موضي و حصه رفيجات حيــــل قراب من بعض ومن عمر ومياانه حدهم



و ريم رفيجتهم بس مو محتكه حيل بينهم ووياهم



حصه طلبت من موضي شغله تساعدها فيها .. و موضي ماقصرت يحليلها



يعطيها العافيه .. فعقب ماخلصت الشغل راحت موضي وسلمت حصه شغلتها



ومتوقعه اطراء جميل من حصه حلو يفرح القلب .. بس شصار ؟



حصه ماقالت حق موضي مشكوره او يعطيج العافيه او تسلم ايدج او حتن حبيبتي ماقصرتي



او اردها لج ان شاء الله .. حتن كلمه بعد عمري بعد قلبي ماقالتها !!!!!!!!!!!



أي ليش جذي ؟ يعني بيطيح لسانكم لي قلتوا كلمه حلوه ؟



خنروح عند حصه و ريم



نفس الشي حصه طلبت مساعده من ريم .. و ريم لبت مساعدتها .. قومي حصه وقولي مااتقصرين يا ريم



يعطيج العافيه .. وو وو وو .....



ألحيـــــــن .. رفيجتج القريبه علبونه مياانه خلاص ماتقوليلها مشكوره



( هاذي اللي اقصد فيها الكلمه الحلوه)



علبونه كل يوم تجوفينها ماتقوليلها حبيبتي ولا اي كلمه !!



والغريبه منها تقوليلها جذي ؟



أنا ما اقول ان لاتقولين حق الغريبه وقولي حق القريبه ... بس لازم تكون قاعده بحياه الكل .. لازم اشكر الناس كلها !



منو يكون وشنو يكون !! لو اصغر عيالي .. لو هالعامل اللي ينظف بحديقه الحيوان بعد !!



((( وهم السالفه اقدر اقلبها واقول لــــو ان )))



حصه قالت حق القريبه رفيجتها موضي .. مشكوره وحياتي وتسلمين وماادري شنو من هالحجي الحلو !



كيفي رفيجتي خوو بقول كل كلمه حلوه حقها تستااهل بعد عمري



وماقالت حق ريم مشكوره !!! شكرا !! علبونه انها بعيده وخلاص





عيب والله عيب !!



ليش يمه ؟ ترا ماراح يطيح لسانج ولا يطقه عرج =)



من لا يشكر الناس ، لايشكرالله



حكمه بحياتي .. دايما احطها جدامي .. باي معامله اتعاملها مع شخص
لما ايني معرووف منهم لازم اشكرهم و أقول شكرا
ما في اسهل من هالكلمه .. وكلمه حلوه ومنها تكسبون الناس اللي تعاملو معاكم
بس حاليا بهالوقت اجوفها قلت هالكلمه .. مع اللي يعرفون بعض وحتن اللي مايعرفون بعض



والله في ناس لي الحين اتذكر شلون كانوا يعيدوون ويزيدوون بانهم يشكروني



حتن يدعون لي دعوات حلوه اتفرح القلب



وفي ناس من اللي جفته منهم اقول مو كفو



.



نصيحه



حاولو اتحطون طبع حلوو عنكم عند غيركم



خلو الطبع الزين يغطي عالطبع الشين



.



.



.













18 يناير 2009

KleenuX


.
.
.
تعرفون هالحركه المليقه ؟؟
شنو اتسوي فيكم ؟؟
.
.
يعني
ساعات وانتو نايمين بعاشر نومه احد ايلكم و يلف هالكلنكس ويدلدق
ويهك
خشمك
اذونك
عيونك
ريولك
.
.
حركه وع
.
.
عن نفسي .. لما يسونها فيني جك بوم : تلقووني اصرخ باعلى صوووتي !!!!
من القهر .. من الاذيه .. من الحركه الباايخه .. حده وع
.
.
اللي إيصير فيني ساعات اول ما اقوم من النوم ..
مستعسره
مالي خلق
الفرااش يناديني يروووح صوته
صاحيه
النفسيه حلوه
و
و
و
إلخ
.
.
بس هالحركه تخليني اقوووم معصبه حـــــــــــدي واستغرب من نفسي شلون طلع
هالصوت العالي استعسر من قلب .. صج حركه اتنرفز ..
بعرف منو هاللي مخترع هالحركه البايخه مثل ويها
وطبعا نسيت اقولكم مو بس بحزه النومه اتصير ويااي .. حتن وانا مــــندمجـــــــه
اجوف تلفزيون ايني واحد بارده امبرده جذي يحطها باذووني .. شقول بس شقول ..
والله مافي كلمه تبرد الجبد
أتعب وانا اقول وييييييييييييييييييييييييييييييييييييييييييييييييييييييييييييييييييييييييييييييييييييييييييع
.
انتو شنو يصير وياكم ؟؟
.
.
.

14 يناير 2009

LapLoOpii ='(







.


.


.



مســـاع قاعده مع الوالده الله يذكرها بالخير ويطول بعمرها ان شاء الله ..
قولوا ان شاء الله

يعطيكم العافيه ... اي المهم .. ومع الاهل بس بدون الوالد الله يحفظه

.

.

كنـــا قاعدين نتغدى

جان اقول حق امي : يمه احس هالكورس شايله كل موادي ويااي

ومعطيتها ذيج الضحكه شاقه الماوث

.

.

جان تقولي : لاوالله .. تعطيني مقدماات يعني لاتحاجووني !!

لووووووووووول امي حدها فاهمتني وصاايدتني =)

.

.

المهم جان فجأه تقول : نتفووه اي كلا من الاب توب نزلي لاب توبج !!

.

جااااااااااااااااااان جنه احد طاقني طراااق

:

قلت لها: يمه لحظه قبل لااا تقولين عطينيااه .. لاتحرميني منه تكفيييييين

سوي اللي تبين والله والله بس الاب توب ما اقدر ما انام يمه
اكـــره ماعليّ احــد يحرمني من لاب توبي :
.

.

جان اقولها موقف و دار بيني وبين بنت خالتي

.

؟

.

ذاك اليوم قاعده مع بنت خالتي .. وقالتيلي: تعالاي انتي ليش ماقمتي تشبكين ؟

قلتلها : الوالده والوالد !!!!!!!!

جان تفهم ان خذووووه مني !!

.

قالت : وااي نتفووه اتمنى امي تحرمني من الاب توب !

.

انا راسي صار الف علامه تعجب !!!!!!!!!!!!!

.

من صجج !!!؟ ويييييييييييييييع اخس شي الحرمااان .. اقول حمدي ربج بس

.

قولولي : أحد يتمنى الحرمان !؟

.

انا الي يحرمني من لاب تووبي عندي هالشي

اقسى من الحرمان !!

.

.

وطبعا بهالقعده عالطاوله .. خريت وقلت كلشي ما احب احد يسويه لياه

و حـــــــــدي تـحـــــســفـت

.

.

عاد انا طبعي

لما يكون عندي امتحان تجوفوني خامره بالدار مابين الكتاب وو الاب توب

يعني قلييل انزل تحت بس عشان اتطمن على الوالده والوالد يمكن يبون شي وو عشان البلعه

وبوطبيع مايوز عن طبعه =)

.

.

فلما امي تاخذ الاب توب .. تلقوني 24 ساعه قاعده تحت لوووول المهم قريبه يمه .. لو بالدار الثانيه

الحين بتقولوون شدعوه عليييهاا .. ايي اشدعوه علي :

.

مشكله لما احب الشي اتعلق فيه وزياده

خوو الاب توب حياتي خوو

.

.

فـــــ يعني

^

^

^

=(

^

^

^

.

.

بس بنهايه القعده .. قالت امي : عيل يلا نزليه

جان ابقق عيني يمااااا ا ا ا ا ا ا ا ا ا ا ا

ما ما ما مااابي .. لوول قلت لها يــــــاليتني ماتحجيت

جان اعطيها ذيج الضحكه وهم شقيت الماوث فيها

اذا قلتولي نزليه .. يعني ماراح انزله .. !

.

.

( شي ماشفتوه )

من المواقف اللي تصير بين فتره وفتره

مره امي ماخذه لبلوبي وقالت لي اسبوع ماتجوفينه !

طبعا ماصار اسبوع يوميا الحنه والرنه .. صادف ابوي قاعد .. وقاعده احن ووو اون

جان تقولي انا قلت لج اسبووع وبعدين اعطيج

جان يتدخل طال عمره : لالا اسبوعين !!

جــــــــــان اخذه بـــاجر لووول

.

.

.


حق الوالده والوالد


صــMـــاخ !!!

.
.
.
لا لا لا لا حــــدي معصبه .. شنو هاذااا !!
من صجكم يالبنات من صجكم !! جذي تسوون وتهوولوون بأشكالكم
والله مو حلووووووووووووو والله !!
صح انكم ماطلبتوا رايي بس الواحد منكم غصب يقوول انكم تلوعوون الجبد بدون ماتطلبون منه رايه
( طبعا الكلام حق الفئه الـ إستغفرالله .. لا للجميع )
.
.
صراحه يوم كنت بالثانويه كنت حدي مرتااااااحه عالاخر .. اقعد جدام شحليلي
اجابل الابله واللوحه .. وما اعاني ولا هم يحزنوون
.
.
أما الحين !!!!!!!!!!!!!
بالكليه !!
لاااء مستحييل .. ساعات ادش القاعه القاها متروسه هضاب
آآقصد صماخات !! كل صماخ يقول انا اكبر
والمشكله اقعد ورا لان ماكو مكان جدام
فأقعد اشد حيلي برقبتي اطقها يمين وأطقها يساار .. عشاان اجووف الدكتور !!
( بس ناقصني اغنيه )
.
.
ولااا بعد ساعات اقعد .. ووو جدامي وحده صماخها شكبره شكبره .. ومشكله لما اصادف وحده متينه بعد !! وحاطه صمااخ يااربي ناااقصه حجم وعرض ؟؟؟
المهم الدكتور يكتب عاللوح واحنا ننقل بالنوت
اقول الحين تنزل رااسها واطالع اللوحه واخز براسها على ماتنزله .. بعدين نتفه تبقق عينها !!!
انزين ليش نتفه تبقق عينها ؟؟؟
لان .. ماكو فاايده تنزل رااس يطلع رااس ثاني !!!!!!!!!!!!!!
شلووون .. يعني حاطه راس ثاني وراج ؟؟ شلوون يعني آنا ما اكتب ؟؟
.
مارااح انخلص عيل جذي !! والله ترا ماهي حاله هاذي .. !!
.
.
.
اهو في مواقف وايده عن هالصماخ بس اللي باط جبدي ان حتن بالمحاضرات في طالبات يعانوون من هالشي
وينسوون الدرس ويجابلون هالصمااخ .. و اكيد انتو تعانوون مثل معاناتي صــح ؟؟!
.
.
تكفوووون
Nooooo 9maaaa5
.
.
.

15 ديسمبر 2008

منو اهيه نتفه !!؟


.

.

.

سلمكم الله .. نتفه اهيه انسانه صغيره بس ابداعاتها كبيره لوووووول
لالا اتغشمر !

امبيه !
تدرون ؟؟!! صارلي ربع ساعه إمتنحه بالشااشه ..



اكتب وامسح .. اكتب وامسح .. اكتب وامسح ...

ماادري شصاير فيني !؟
توني اعرف نفسي اني ما اعرف نفسي .. لما الواحد يسألني اعرف اجاوب
بس مع نفسي مااكو مو راضيه اطلع ابداعاتي

بس لقيتها !!!!





بسأل نفسي واجاوب !


●◄ منو انتي ؟

أنا نتفه


●◄ جم عمرج ؟

23 الله يطول بعمري ويخليني حق امي وابوي وكل اللي يحبوني وهم للي مايحبوني عشان اصير اعظمه ابلعومهم


●◄ نتفه شنو مواهبج ؟

عندي مواهب الحمدلله وااايد .. فضل من رب العالمين
أحب اصمم
أحب ارسم
أحب احول اي شي عادي


إلى شي من ابتكاري .. مميز .. مبدع .. غير عن الكل
ووايد اشياء واحس اني اقدر ابدع في اي مجال يكون جدامي .. الحمدلله .. طبعا من الناحيه الفنيه والجماليه
يعني مو تقوليلي تبدعين بالسياسه ؟ لوووووول لالا حدي بعيده


●◄ نتفه شنو شخصيتج .. او شنو اتشوفين نفسج ؟

شخصيتي أحبها وتختلف من نواحي وايد مثـل ..

الحب : واشوف نفسي انسانه خياليه تحتها 77 خط .. طيبه .. وقلبي قلب عصفوور .. بسرعه احب اللي جدامي ( وهذا اكبر غلط )
لكن هم بسرعه اكره بعد .. لان عندي عزه نفس .. عاطفيه .. متعلقه بكل شي له علاقه بالمشاعر والحب .. هاديه ..
مااحب احد يغلط علي حـــــــدي ما احب .. لان انا ما اغلط على احد .. لكن الواحد معروف لازم يغلط . . واذا غلطت تكون غلطتي بدون قصد .. واعتذر .


الشغل : اشوف نفسي اني اقدر ابدع في مجال شغلي .. مثل ماقلت فوق .. وو انا حدي اطمح افتحلي مشرووع وواثقه اني راح اكون ناجحه فيه.

الناس : علاقتي بالناس اجتماعيه .. بس هاديه وايد ..وعلى نياتي وياهم .. لكن اعرف من قاعد يخربط فوق راسي ويجذب ويلف ويدور
يعني ماتمشي على هالحركات .. وهم امشيها لهم .. خوفا على جرح قلوبهم لووول ومااحب احد يفتشل واقطه بموقف خايس ..
لان اعرف الشعور ... وو صداقاتي قليله يعني ما احب يكون عندي رفيجات وايد واذا صار جذي .. دايما تكون وحده غير عنهم كلهم اللي نكون مع بعض بالحلوه والمره .


●◄ نتفه شنو السلبيات اللي بشخصيتج ؟

مزااااااااااجيه !!! وهاذي مدخلتني في مشاكل مالها اول ولا تالي مع نفسي ومع غيري
وحسااااااسه زياده عن اللزووم . حدي حدي حدي <<< ويع :(


●◄ زين نتفه قوليلنا معلومات بسيطه عنج شنو اتحبين وشنو ماتحبين !؟

* نتفه اتحب الهدوء ماتحب الازعاج .. لانها مزاجيه
* عاااااااااادي اعيش ابروحي .. لان الحمدلله الحمدلله اعرف شنو اسوي واقدر اخدم نفسي واكثر ..
يعني لو محتاجه اي احد يكون ويااي .. فـ هالاحد راح يكون أنا !
* ماحب احد يرفض شي انا ابيه الا اذا كان في مصلحتي .
* أحب اللي يحبني .. ولما احد يسويلي شي لازم ارد جميله واكثر !!
* لما اسوي شي اشتغل عليه .. اسويه من قلب وبضميييير .. يعني اتقن عملي الحمدلله .. ماا احب اسوي شي حيالله .

.
.
.

مااااكو بدايه !!

.
.
.
دايما لما امسك شغله
ما أدري وين ابدي فيها !!
وشلون ابدي فيها !!
وشنو احط وشنو اسوي !!
بس لما اندمج اعرف شلون اسويها .. جذي مدونتي يديده وماادري شكتب بالبدايه
بس ان شاء الله راح اسوي كل مايخطر في بالي واكتب فيها
واقولكم
حياااااااكم الله مع نتفه
.
.
.